الليله جايه في بالي مشتاقلك
في غصه جايه فـ قلبي قتلاني
انا عايز اكتب بس مش عارف
هكتب عشانك ولا علشاني
فنصيحة تقري رسالتي ماترديش
مش حابب اني اتوجع بالقسوة دي تاني
بعدك بشوف الفاظة مكسورة
لعنة فراقنا بتستبيح قتلي
طلقة غيابك جاتلي في القورة
ظن الجميع المشكلة فـ شكلي
بضحك و اخبي الدمع فـ القطرة
ببكي اللي فاضل ليا من خيرك
معرفش انك زيهم فترة
وهتيجي لحظة و هبقي منغيرك
طب طمنيني عليكي مش اكتر
افتكري ذكري جميله كات بينا
افتكري ليا مكالمه في التليفون
افتكري جمله انا و انتي كاتبينها
وساعتها يمكن تعرفي تحني
بعدك عيوني مبطلتش دموع
بعدك شوارع كامله دابحاني
الدنيا عرفت ان انا الموجوع
القاضي يعرف ان انا الجاني
يحكم عليا بالغياب طب ليه؟!
كان اولي يقطع جسمي بالمنشار
و يشربك من دمي تتشفي
يقطع لساني و يمنع الاشعار
يمكن ساعتها هتقدري تخفي
انا مستعد لكل ده لو كان
هيخلي روحك طاهرة من طيني
فـِ القلب جمر بيشبه البركان
فَـ بلاش بسوء الظن تكويني
اديني فرصة اخيرة هتشوفي
مش فرصة نرجع .. فرصة اكون احسن
متقطعيش القلب بهروبك
وتقولي برضو ميستهلش احزن
علشان انا أستاهل
لا يتبكي عليا
يمكن اكون عربيد
او شخص مش مسئول
يمكن اكون كداب
او فيا داء النقص
ممكن اكون مغرور
يمكن مكونش بحس
لكني حبيتك
شيلتك في عيني كأنك الجنة
شوفتك قصيدة بنقشة الحنة
دلوقتي قبل ما حتي اقول اسمك
ينطق لساني من الوجع "كنا"
لدرجة ديا عليكي مصعبتش
مش كنتي ناوية تكملي حياتي
دلوقت حاسس لو هموت بكره
هتقولي غار و تبلي شرباتي
جايلك فـ وقت الشده محتاجلك
ساعديني يمكن تكسبي فيا
قولتيلي امشي و ربنا يعينيك
الكلمة ردت تاني بأذيه
هو احنا سيبنا ولا بنحارب!
مش قولتي امشي وبابنا متوارب
شديتي بابك ليه وقفلتي ترباسه
قلبك وحيد و انا كنت ونّاسه
تحكيلي وجعك أضمه لاوجاعي
اقطع راعي لو مبوحشكيش
او باجي صدفه فـ بالك المشغول
او لو تعبتي باكونلك المحلول
و ان يوم شِرقتي و قالوا جات سيرتك
وحدك حبيبتي هتعرفي سيرتك بتتجاب فين
و تردي برضو بنفس "عادي مفيش"
اتمني تقري رسالتي ماترديش !
اديني بس اشاره لرجوعك
منغير ما اقولك تمسحي دموعك
و تخبي دمعك مـ الجمع اللآي
اخدك في حضني والصمك تاني
تبكي وتقولي شوف واحشني ازاي
وقدرت تكتب بكره تنساني!
احلف باني هصون العهد وياكي
مش هقدر اكسر نفسي و اخسرها
في حاجات بتبقي جميله فـ الاول
لكن حقيقي نِمل تكرارها
مـ الدرس هتعلم بس انتي ساعديني
امشي بسلام؟ او أعود؟ يا ريت تجاوبيني
امسح و اعيد السرد بالاقلام ؟!
ولا الغياب راح ينتهي بفوق
الدنيا لو مساعتش حبي الخام
الله فـ سماه لـ أسيبها واطلع فوق.
اسطورة انطونيوس
محمد عبدالفتاح