كتبت: هناء زغلول
زي ما في فساتين للعرض في الفاترينه عشان تجذب انتباه المشتري في كمان ستات وظيفتهم شد انتهاه الرجاله .... بيبقوا زي البضاعه اللي صاحبها بيلمعها و يجملها للزباين.....
وفي اللي بيغريه شكل البضاعه من بره ومش بيهموا جودتها ولا أصلها المهم ان شكلها شده ...
بس لو قرر يشتري مش هيشاور علي اللي في الفاترينه ويقوله هاتلي من ده لأ دا هيدخل المحل و يفرز البضاعه حته حته و هيشوف اصلها وفصلها ووقت الدفع مش هيهمه شكلها .......
وقت الجد هياخد اللي تستحمل معاه و معدنها اصيل .... وهيكتشف ان اللي في الفاترينه للعرض مش للشرا........ حاجه كده تشد من بعيد لبعيد .... منظر للفرجه
ماتقلليش من نفسك وتراهني علي جمالك وتحطيه في فاترينه يتفرج عليه اللي رايح واللي جاي .....الجمال مش هو الأساس ولا عمره اشتري رجال ..... ولو عجبه شكلك بكره هيتعود عليه وهتفضل الروح و الأصل الطيب ....الجمال عمره ما هيدوم...
اهالينا زمان علمونا ان الغالي تمنه فيه والرخيص ما تأمنلوش أصله لا بيعمر ولا بيصون
خليك في الغالي وامسك فيه