كتبت: مني حموده
مش عاوز أبقى من اللي بيموتوا انتباه
يرفعني ادراكي السما
ويسبني ميت وسط أحداث الحياه
مش عاوز أفرض عقلي على جسدي الصبي لو كان عفي او كان ضئيل
لو بس أميل ناحية جناين رغبتي يجلد لي ذاتي ويختنق فيا الزخم بالانتباه ما بين وبين ...
أنا مين عشان أرفض وجود حدين سوا
نفسي اللي بتلوم السكات
وأنا لما باعشق دنيتي
مجاذيب في دنية العاقلين خلاف
درويشه كنت ولسه ساكنه الليل نهار
يكفيني بس عشان أعيش كتفين شداد
بملايكة تشهد عن رضا القتل النبيل
لكتاب فرضني ع الحياه فرفضتها
واكتفيت يا قلبي بحبة التفاصيل...