كتبت : هناء زغلول
مافيش راجل هيقرر يتجوز جوازه تانيه غير لما يكون فعلا في حاجه نقصاه مع مراته الاولي، أو إحساس معين مش قادر يوصله،
ومن الأسباب التانيه اللي بتخلي الراجل ياخد قرار التعدد انه يكون لقى الحب اللي بيدور عليه مع انسانه حبها بجد
الراجل مش طفس ولا عينه فارغه لما يفكر يتجوز تاني،
والقرار دا مش بياخده بسهوله ولا في لحظة تهور،
إنما بيوصل له بعد تفكير كتير ولما بيبدأ في التنفيذ بيكون عن اقتناع تام
إنما الراجل الطفس او الرمرام دا مش بيتجوز على مراته لانه مش بيحترم الست ولا بيفكر فيها اصلا كل تفكيره في نفسه ونزواته، فكل فتره بيعرف واحده يتبسط معاها يومين ويسيبها ؛
وفي نوع بيداري تحت شعار الدين ويتجوز جواز متعه وهو مقرر ما يكملش وبردو بيبقى كل همه نزواته
والنوعين دول لا يمتوا للرجوله بصله
إنما الراجل الحقيقي بيحترم الست وبيقدرها عشان كده لما بيحس انه في حاجه ملحه نقصاه في جوازته الاولي بيدور علي الحلال مع زوجه تانيه بنيه الاستقرار وانه يعف نفسه من الحرام
