كتبت: هناء زغلول
بصي يا بنت الناس كل الكلام المعسول اللي بتسمعيه من راجل لسه علي البر دا بيبقي جر رجل يعني بيوقعك في غرامه ويعلقك بيه عشان ماتقدريش تستغني عنه وتتعودي علي كلامه الحلو وتتخدري لحد ما توصلي لدرجه الإدمان في العلاقه وبعد كده هتبقي لعبه في ايديه يتحكم فيكي زي ما هو عايز واول ما تطلبي منه ارتباط رسمي هتبقي بالنسبه له ورطه كبيره مش هيشوف غير انك بتدبسيه زي ما يكون اتفاجئ ان دا الوضع الطبيعي بعد قصه الحب
وهتلاقيه اتحول وبقي واحد تاني ماتعرفهوش وكل العيوب المستخبيه هتطلع لحد ما انتي اللي هتقرري تسيبيه
ودا بيحصل كمان مع الستات المتزوجه تلاقيها تميل لواحد بيسمعها كلام حلو ويتحجج بانها علي ذمه راجل تاني وأنها لو فاضيه كان عمره مايسيبها تروح من ايديه ومع اول مشكله مع جوزها ويحس انها ممكن تسيبه وتطلق هيشوفها بردو ورطه وهيتحول وهيطلع كل اعذار الدنيا اللي ماكنتش موجوده من كام يوم وكان هيموت ويتجوز المدام بس يا خساره ما بقتش ظروفه تسمح
البنات والستات بقوا فريسه سهله في ايد رجاله معدومه الضمير كل همهم انبساطهم ونفسهم ولازم كل واحده تحافظ علي نفسها وماتأمنش لحد بسهوله الراجل الملتزم بيبان من تصرفاته واللي عايز يلعب بيكي بردو بيبان
احنا في زمن كله غدر وخيانه ونادرا لما هتلاقي إنسان بيخاف ربنا ويحافظ عليكي حافظي انتي علي نفسك
