تاريخ إنهزامك لما قررت تكمل
سيبت جرحك في القلب يعلم
يسيب خدش فقلبك ويطول
قولت عادي
قولت ماشي
واللي فات شوفته عادي
شوفت حزنك شيء أساسي
ولا مره فكرت تداويه
ونسيت اني دا قلبك
ومحدش هيتعب بعدك
ف فوق وكمل وانسى
واوعى تقسى
ولا تحاول مره تفهمهم
منتش عاجبهم.. ف الأساس
محدش هيتوجع غيرك فمتنساش
الناس فترات والفراق فطره ..
أمنية عوده
الناس فترات متتعلقش
عشان قلبك البريء ميتوسخش
قطر الصحاب مبيخلصش
ولا ليه نهايه ولا حتى مفر
يمكن يسيبو بصمه أو جرح كبير
هيمشو ويتعاد نفس الكرره
مع أشخاص مختلفين
هتكمل وتعيش
هتنسى وهتسيب
ايدهم بالتدريج
شويه وقت وتفهم
محدش هيبقالك
ولا يخبط على بابك
محدش معاك
ولا يحس بغيابك
ويقولك مالك
الناس فترات
تسكن قلبك وتسيبه مكسور
بإيديك تحول الكسر لنور
قطر الصحاب
أصله لعنه الغياب
أمنية عوده
حرب انهزام
اشتياقك لناس مفضلوش
غيابك على ناس حبوك
نظريه واستنتاج
محدش هيبقالك فـ متبقاش
كمل ومتنساش
روحك اللي فضيالك فـ الأيام
حب نفسك
اعرف قيمتك
ربنا ما يحوج المتساب لسّايب
ولا يحوج قلبي لحد غايب .
أمنية عوده
بكدب واقول
موحشتنيش
غيابك كان أكبر دليل
اني من غيرك
مش قادر اعيش
جايز في يوم هتعود
وتلاقي كل الوعود
مستنياك
وقلبي رافض يكون غير معاك
مستنياك
ولا يوم هبطل استناك
بتوحشني قد الساعات
والشهور والايام
قلبي مستنيك تهل
قلبي رغم بعدك حلف ما يمل
أمنية عوده
