يا ناس غايتها الميغة والمردغة
ياناس تحبك بس لما تموت
أو لما بس من الحياة بتتلَغَيَٰ
وقت اما تمشي يِرْقَعُوا بالصوت !!
مَشْيَك ده نجَدَك من حياة مدغدغة
هلفوت وداير ساقية لجل القوت..
------
هيقولوا أرجع تاني للنغنغة
وهيخدعوك ويكَمِّلوا المَّرمَّغَة
دا احسن ماعملوا كان صوان العزا
فـ اقعد وقرفص جوة قبرك مُوت
وان كان رجوعك شيء مهوش معجزة
ترجع وااا أسفا تاني كـ الهلفوت
-------
يا ناس تموت في الرَّاحة والرَّحْرَحَة
شاطرين في كازينو الليل وفي الصرمَحَة
ترجع تطرمخ نوم وكلوا صحيَٰ
تاكل رغيفك أكل أكآلة
تاكل رغيفك دون تعب مطرحة
وكأن فرض انك تعيش عالة
تِتْأَمَّروا بس تحبوا في المطوَّحة
وإن انتهيتوا تعيدوا في الحالة
وارجع و اعيد الكَرَّة والكركرة
رجَّع زمانك مَارْشِيْدِير ولِ ورَيَٰ
زاول وزود ذُل في السيطرة
واضحك ماحقك !! بابا ليه وكالة !!
--------
يا ناس تموت في العِز والمَعْزَزَة
والتُقَل قالب وش ليه مبوزة
إيه اللي صايبَك ولا ناقص غذا
علشان ترجع بسمة متبروزة
ولا انت مدمن زكريات توجع !؟
ولا عشان ترضي تعوز معجزة؟؟
-------
يا ناس تموت في الدوكة والدربكة
خانوا الوعود ومبطلوش شكشكة
يا خلق هامه الشكل و الفَزْلَكَة
الشكل رايح جر ليه في شَكْلَكَ
ولا انت نُغّة ناقصك الهشتكة ؟
زهقت ناسك حكي بمشاكلك
ماشي في طريقي الدمعة والنهنة
علي حال قوافي العصر والاوبَهة
لم يِسْتلَقَي اي لأ اتنَهَيَٰ
من نقادين الفن والشخلعة
هاااا !؟
حان وقت هذا الشعر يسترجل
ولا هنفضل فترة في "المَرقَعَة".
ممدوح بدران